Байгаль орчин, уур амьсгалын өөрчлөлтийн сайдын албан даалгавраар Сэлэнгэ аймгийн Ерөө суманд гарсан түймрийг унтраахад дэмжлэг үзүүлэх зорилгоор Сэлэнгэ, Дархан-Уул аймгийн Ус цаг уур, орчны шинжилгээний төвийн хамтарсан 4 экспедиц нэгдсэн төлөвлөгөөний дагуу үйл ажиллагаа явуулж, 12 ширхэг борооны пуужингаар цаг агаарт зориудаар амжилттай нөлөөлжээ.
Ажиллагааны үр дүнд Ерөө суманд асч байгаа түймрийн голомтоос 20-30км-т бороо орж үүлний масс түймрийн голомт руу шилжсэн байдалтай байгаа юм байна.
Мөн нийслэлийн Засаг даргын тамгын газрын хүсэлтээр “Хүй долоон худаг” орчимд ЦУОШГазрын хур тунадас нэмэгдүүлэх экспедиц ажиллаж 6 ширхэг борооны пуужин харважээ. Агаарын халалт, хуурайшилттай, үүлний шилжилт хурдан байсан хэдий ч амжилттай нөлөөлж зорилтот бүс нутагт хур тунадас нэмэгдүүлсэн байна.
