Сэлэнгэ аймгийн Шүүхийн шийдвэр гүйцэтгэх газраас 2025 оны долдугаар сарын 06-ны өглөө хоригдол оргон зайлжээ. Энэ тухай мэдээлэл цагдаагийн байгууллагад өчигдөр /2025.07.06/ 18:00 цагийн үед ирсэн байна.
М.Тамир нь урьд нь 3 удаагийн ял шийтгэл эдэлж байсан, хамгийн сүүлд Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар буюу Сэлэнгэ аймгийн Сүхбаатар сумын нутаг дэвсгэрт машин дотроо хүчингийн хэрэг үйлдсэн гэмт хэргээр цагдан хоригдож байжээ.
Тэрээр 28 настай, 170-175 см өндөр нуруутай, биерхүү, үсээ хусуулсан, дөрвөлжин царайтай, том гартай, ил харагдах шивээс, шарх сорвигүй.
Дээрх этгээдтэй холбоотой мэдээллийг 102 тусгай дугаарын утсанд мэдэгдэнэ үү.
