Найрамдлын Эрдэнэс хүүхдийн зуслангийн амрагчид хордлогонд орсон асуудал гарсан. Тус зусланд 322 хүүхэд амарч байсан ба 180 орчим хүүхэд эмнэлэгт хэвтэн эмчлүүлж байна. Өнөөдөр /2025.07.19/-ийн 08:00 цагийн байдлаар хоолны хордлого байж болзошгүй шинж тэмдэгтэй эмнэлэгт хэвтэн эмчлүүлж буй хүүхдүүдээс урд шөнийн байдлаар хүндэрсэн тохиолдол байхгүй. Харин жирэмсэн 1 хүн антибиотик эмчилгээнээс татгалзсан тул эмэгтэйчүүдийн эмч нартай хамтран, тохирох эмчилгээг хийлгэж байгаа юм байна.
“Эрдэнэт” сувиллын цогцолборт хэвтэн эмчлүүлж байгаа хүүхдүүдэд өглөөний 08:00 цагт цус, биохимийн лабораторийн шинжилгээ авчээ.
