Шүүхийн шийдвэрээр 30 хоног хоригдох байсан УИХ-ын гишүүн асан Ц.Цэрэнпунцагийн хүү Ц.Санжаачойпэлийг хугацаанаас нь өмнө суллажээ. Суллагдах болсон шалтгаан нь яллагдагч Ц.Санжаачойпэл нь эмнэлгийн тусламж авах шаардлагатай буюу тэрээр нүдний аяга гэмтсэн хөнгөн гэмтэлтэй, нарийн мэргэжлийг эмчид үзүүлэх шаардлагатай болсон гэх түүний өмгөөлөгчийн хүсэлтийг шүүгч ханган суллаж шийдвэрлэжээ. Энэ сарын 8-нд шүүгчийн захирамжаар суллагдсан Ц.Санжаачойпэл нийт 16 хоног хоригдоод байсан бөгөөд түүнийг Монгол Улсын хилээр гарах хоригийг хэвээр үлдээсэн байна. Харин шүүгчийн уг захирамжид прокурорын зүгээс дахин эсэргүүцэл бичиж хүргүүлснийг өнөөдөр шүүх хэлэлцэж байгаа аж.
Хэргийг сануулахад, Эрдэнэбатын Тэмүүлэн, Цэрэнпунцагийн Санжаачойпэл нар нь 2025 оны долдугаар сарын 18-19-нд шилжих шөнө Сүхбаатар дүүргийн 3 дугаар хорооны нутаг дэвсгэрт үйл ажиллагаа явуулдаг “Канте” шөнийн цэнгээний газрын гадаа талбайд хохирогч Д.С-ын биед бүлэглэн халдаж эрүүл мэндэд нь хохирол учруулсан гэх хэрэгт холбогдсон юм.
