ГЕГ-аас сүүлийн гурван жилийн байдлаарх янжуур болон электрон тамхины импортын мэдээг танилцууллаа. Тодруулбал,
– Янжуур тамхи 2023 онд 3.7 тэрбум ширхэг, 2024 онд 3.5 тэрбум ширхэг, 2025 оны 8-р сарын байдлаар 2.6 тэрбум ширхэг импортолсон нь байна. 2024 оны янжуур тамхины импортыг өмнөх оны мөн үетэй харьцуулахад 0.2 тэрбум ширхгээр буюу 5.4 хувиар багассан үзүүлэлтэй байна.
– Электрон янжуур болон түүнтэй төстэй цахилгаанаар ажилладаг ууршуулж татах хэрэгсэл нь цахилгаан барааны бүлэг буюу 8543.40.00 кодод ангилагддаг бөгөөд 2023 онд 204904 ширхэг, 2024 онд 505878 ширхэг, 2025 оны эхний 8 дугаар сарын байдлаар 384045 ширхгийг импортолжээ. 2024 онд импортолсон электрон янжуур болон түүнтэй төстэй цахилгаанаар ажилладаг ууршуулж татах хэрэгсэл нь өмнөх оноос 300974 ширхгээр буюу 2.5 дахин өссөн үзүүлэлттэй байна.
– Нэг удаагийн хэрэглээний электрон тамхи, электрон тамхи цэнэглэгч гель болон шингэн, электрон тамхины картриж буюу цэнэглэгч хошуу нь “Тамхи, дахин боловсруулсан тамхи, никотин агуулсан эсвэл никотин орлуулагч агуулсан асаахгүйгээр сорж татах зориулалттай бүтээгдэхүүн”-ий бүлэг буюу 2404.12.00, 2404.19.00 кодуудад ангилагддаг бөгөөд 2023 онд 157.7 тонн, 2024 онд 375.2 тонн, 2025 оны 8 эхний сарын байдлаар 160.6 тонныг импортолсон байна. 2024 онд импортолсон тухайн бүтээгдэхүүнийг өнгөрсөн оны мөн үетэй харьцуулахад 217.5 тонноор буюу 2.3 дахин өсжээ.
