“Olloo” аппликэйшний баг сэтгүүлчид болон хэвлэл мэдээллийн салбарын төлөөллүүдэд зориулсан танилцуулах уулзалтыг өнөөдөр /2026.01.05/ NEWS CAFE-д зохион байгууллаа. Тус уулзалтаар “АЛГАНД БАГТААСАН МОНГОЛ” уриатай “Olloo” аппликэйшний зорилго, үйл ажиллагаа, мөн хэрэглэгчдэд болон хэвлэл мэдээллийн салбарынханд ямар хэрэгцээ, давуу тал бий болгох талаар дэлгэрэнгүй танилцуулсан юм.
“Olloo” аппликэйшн нь хэрэглэгчдэд зориулсан мэдээ мэдээлэл, үнэгүй зар, цахим худалдааны төвүүдийг нэг дор төвлөрүүлсэн цогц платформ гэдгээрээ онцлог юм байна. Мөн тус аппликэйшн нь оноо цуглуулах системийг нэвтрүүлж, хэрэглэгчдэд илүү ашигтай шийдлийг санал болгож буйг танилцуулгын үеэр онцоллоо. Товчхондоо, хэрэглэгчид аппликэйшнийг идэвхтэй ашигласнаар оноо цуглуулж, улмаар урамшуулал, хөнгөлөлт эдлэх боломжтой болох юм.
Уулзалтын үеэр сэтгүүлчид “Olloo” аппликэйшний үйл ажиллагаа, хэвлэл мэдээллийн байгууллагуудтай хамтран ажиллах боломж, контент түгээх давуу талуудын талаар тодруулж, санал бодлоо солилцов.
“Olloo” аппликэйшн нь цаашид үйл ажиллагаагаа улам өргөжүүлэхээр төлөвлөж байгаа бөгөөд үүнд хэрэглэгчдийг чанартай бүтээгдэхүүн үйлчилгээгээр хангах нь нэн чухал ач холбогдолтой болохыг уулзалтын үеэр тодотгон илэрхийллээ.
