УИХ-ын гишүүн О.Батнайрамдал Ерөнхий сайд Г.Занданшатарт асуулга тавьжээ. Тэрээр ХЗДХ-ийн сайд Б.Энхбаяр Боловсролын сангийн зээлээс хууль бусаар чөлөөлөгдсөн асуудал ямар шатандаа явж байгааг тодруулахыг хүссэн байна. Энэ тухай өөрийн цахим хуудаснаа ийн нийтэлжээ.
“Хууль зүй, дотоод хэргийн сайд Б.Энхбаяр та:
Хулхи их сургуульд суралцахдаа (“sham university”)
Хувийн дансандаа 32,000 доллар авчихаад
Хууль бусаар чөлөөлүүлсэн түүхтэй
Хуурамч диплом авсан, аваагүй нь ч тодорхой биш
Хууль зүйн сайд гэж байх уу?
Хүний ёсоор ажлаа өгөөд шалгуул!
УИХ-ын гишүүн О.Батнайрамдал
Хууль зүй, дотоод хэргийн сайд Б.Энхбаяр нь Боловсролын зээлийн сангийн зээлийн санхүүжилтээр 2007-2009 онд АНУ-ын Хойд Виржиниагийн их сургуульд суралцсан эсэх, авсан зээлээ бүрэн чөлөөлсөн талаар дэлгэрэнгүй мэдээлэл авахаар Ерөнхий Сайдад асуулт тавилаа.
Жич: хулхи их сургууль (“sham university”), хуурамч диплом үйлдвэрлэгч (“diploma mill”) гэдэг нь олон улсын эх сурвалжууд дээр бичигдсэн тодорхойлолтууд болно” гэлээ.
