2025 оны Үндэсний их баяр наадамд найм даван үзүүрлэсэн, Сүхбаатар аймгийн Онгон сумын харьяат бөх Н.Өсөхбаяраас допингийн төрлийн хориотой бодис илэрсэнтэй холбоотойгоор түүний гарди цолыг хурааж, барилдах эрхийг гурван жилийн хугацаагаар хасах саналыг холбогдох байгууллагуудад хүргүүлээд байсан.
Үүнтэй холбоотойгоор Н.Өсөхбаяр Үндэсний спортын арбитрт гомдол гаргасан бөгөөд Монголын олон улсын болон Үндэсний спортын арбитрын дэргэдэх допингийн давж заалдах комисс уг өргөдлийг хүлээн авч, маргаан шийдвэрлэх ажиллагааг үүсгээд байсан юм.
Тэгвэл Н.Өсөхбаярын өргөдөлтэй, Монголын Үндэсний допингийн эсрэг байгууллага НҮТББ, Үндэсний их баяр наадмыг зохион байгуулах хороо, Үндэсний их баяр наадмын бөхийн салбар хорооны Үр дүнгийн удирдлагын багт тус тус холбогдох допиггийн Давж заалдах комиссын хуралдаан өнөөдөр боллоо. Хуралдаанаар Н.Өсөхбаяр нь допинг хэрэглэсэн эсэх шинжилгээнд процессын алдаа гарсан, стандартын зөрчилтэй зэрэг үндэслэлээр шинжилгээний дүгнэлтийг хүчингүйд тооцох шийдвэр гарлаа.
