Кино найруулагч Отгонбаатарын Урантуяа-гийн бүтээл “Явуулын хүн говьд” уран сайхны кино Болгар улсад зохион байгуулагдсан Golden FEMI Film Festival-ын “Cultural Heritage and Authenticity” буюу “Соёлын өв ба жинхэнэ үнэт зүйлс” номинацид шалгарч, Алтан цомын эзэн боллоо.
Тус наадамд энэ жил 130 орны 9,600 гаруй бүтээл өрсөлдсөнөөс Монголын хэд хэдэн кино эцсийн шатанд шалгарсан бөгөөд “Явуулын хүн говьд” кино ийнхүү Монголын соёлын өв, үнэт зүйлсийг олон улсын тавцанд амжилттай сурталчилсан бүтээлээр үнэлэгдлээ.
