Баянзүрх дүүргийн 35 дугаар хорооны нутаг дэвсгэр, Бурхант хошуу гэх газар аравдугаар сарын 7-8 шилжих шөнө 01:04 цагт /өнгөрсөн шөнө/ баавгай айлын гэр, хашаа хороо руу халдаж, эрдэнэт хүний амь нас хохирсон харамсалтай явдал гарсан.
Тус айлд хоёр хүн байсан бөгөөд 40 настай эрэгтэй амиа алдаж, 55 настай эмэгтэйн биеийн байдал хүнд эмнэлэгт байгаа юм.
Энэ асуудалтай холбогдуулан холбогдох албаныхан шуурхай баг гарган ажиллаж байна.
Бүтэн өдрийн турш эрэл хийсэн алба хаагчид хэрэг болсон газрын ойролцоогоос баавгай олж, устгажээ.
Тухайн баавгайг хүний амь насанд халдсан баавгай мөн эсэхийг мэргэжлийн шинжээчид тогтоох юм.
