МСБХ-ноос “Бишрэлт Металл” багийн тоглогч Дэвон Скотын үйлдэлтэй холбоотой шийдвэрийг гаргажээ. Тодруулбал Скотыг 2026 оны нэгдүгээр сарын 01-нийг дуустал хугацаанд холбооноос зохион байгуулах аливаа үйл ажиллагаанд оролцох эрхийг хасах, мөн 2,000,000 (хоёр сая) төгрөгөөр торгохоор болсон байна.
Ингэснээр Скот The League – Үндэсний Дээд Лигийн 2024-2025 оны финалын цувралын үлдсэн тоглолтод оролцохгүй. Мөн BCL лигт ч тоглох боломжгүй болж байгаа юм байна.
Дэвон Скот “Хасын хүлэгүүд” багийн тоглогч А.Азбаярын биед халдсан байдаг. Түүний эрүүл мэнд, амь насыг гэр бүлийнх нь зүгээс хариуцлагатайгаар нэхнэ гэдгээ мэдэгдээд байгаа юм.
