Түц эрхлэгчдийн нэгдсэн холбооноос 2025 оны зургадугаар сарын 09-ний өдөр МАН-ын байр буюу Тусгаар тогтнолын ордны гадаа Улаанбаатар хотын захирагч Х.Нямбаатарыг огцруулах жагсаал цуглааныг зохион байгуулах юм байна.
Тэд бусад бизнес эрхлэгч, худалдаа эрхлэгч, барилгын салбарынхан, ард иргэдийг жагсаалд оролцохыг уриалжээ.
Улаанбаатар хотын Засаг дарга Х.Нямбаатарын огцрох үндсэн 4 шалтгааныг нэрлэж байна.
1.Монгол Улсын үндсэн хуулийн төрийн үйл ажиллагааны үндсэн зарчмыг зөрчсөн.
2.Төрийн албан хаагчийн ёс зүйн хуулийг зөрчсөн.
3. Төрийн албан хаагч эрх мэдлээ урвуулан ашиглаж. Дураараа аашлах гэмт хэрэг үйлдсэн.
4.Монгол Улсын үндсэн хуулийн 2 дугаар бүлгийн 19 дүгээр зүйлийг зөрчсөн.
Мөн олон хууль бус үйлдлүүдийг хийж байгаа хэмээн үзэж огцруулах жагсаалыг зарласныг Монголын Худалдаачдын Холбооноос мэдээллээ.
