Ази, номхон далайн баруун бүсийн сэтгүүлчдийг Халдварт бус өвчнийг мэдээлэх чиглэлээр чадавхжуулах хөтөлбөрт Монголын эрүүл мэндийн сэтгүүлчдийн “Цагаан үзэг” холбооноос үүсгэн байгуулагч, эрүүл мэндийн сэтгүүлч Батгэрэлийн Ундрах болон ТУЗ-ийн гишүүн, “Өнөөдөр” сонины тоймч Оюунбилэгийн Бат-Ундрах нар “Нийслэлчүүдийн нэг хэсэг нь хөлдөж үхэхгүйн тулд, нөгөө хэсэг нь өвдөхгүйн төлөө тэмцэж байна” нийтлэлээрээ хөтөлбөрийн болзлыг хангаж Грант хүртлээ.
Азийн улс орнуудаас 20 орчим эрүүл мэндийн сэтгүүлч тус болзолт уралдаанд материалаа илгээж оролцсон ба ийнхүү Монгол улсаа төлөөлөн агаарын бохирдол хүн амын эрүүл мэнд, тэр дундаа эх хүүхдийн эрүүл мэндэд хэрхэн нөлөөлж буй байдлыг нийтлэлээрээ хөндсөн нь бүтээлийн онцлог байлаа. Тус хөтөлбөрийг Дэлхийн эрүүл мэндийн байгууллага (ДЭМБ)-ын Номхон далайн баруун бүсийн дэмжлэгтэйгээр Филиппин улсын Манила хот дахь Пробе Медиа сангаас өнгөрсөн 6 сарын хугацаанд зохион байгуулжээ.
Агаарын бохирдлын асуудлаарх нийтлэлээр Азийн орноос Грант хүртсэн бүтээлийг хүргэж байна.
“Нийслэлчүүдийн нэг хэсэг нь хөлдөж үхэхгүйн тулд, нөгөө хэсэг нь өвдөхгүйн төлөө тэмцэж байна” нийтлэлийг ЭНД ДАРж уншина уу.
