Өдөр тутмын амьдралын хэв маягаа “reels” болгон оруулж, фэйсбүүк дээр 4.2 сая, инстаграм дээр 18 сая, юүтүб дээр 4 сая дагагчтай болсон инфльюнсер Аштон Халл маргааш буюу долоодугаар сарын 16-нд Монголд ирэхээ мэдэгджээ.
Одоогоос гурван сарын өмнө Монголд ирсэн “IShowSpeed”-тэй тэрбээр 100 метрт уралдан ялагдал хүлээсэн нь олны анхаарлыг татаад буй юм. Аштон Халл нь аливаа улсад аялахдаа тухайн улсын гудамжаар явж, хоол, фитнес зэрэгтэй танилцдаг бөгөөд гудамжинд гүйж, бусадтай уралдах нь ч бий. Тэрбээр гурав хоногийн хугацаатай буюу долоодугаар сарын 16-19-ний хооронд Монголд байх аж.
Энэ мэдээг дуулсан Ангууч буюу Б.Баттөр Аштон Халлтай уралдана гэдгээ өөрийн цахим хуудсаар илэрхийлсэн байна.
