Нийтийн хэв журмыг бүлэглэн зөрчиж Д.С-ын биед хүч хэрэглэн халдаж, олон нийтийн амгалан тайван байдлыг алдагдуулсан, мансууруулах бодис хэрэглэсэн хэргийн яллагдагч Ц.Санжаачойпэл, Э.Тэмүүлэн, С.Алтан-Очир нарыг цагдан хорихоос татгалзсан шүүгч Б.Билгүүний захирамжид гаргасан прокурорын эсэргүүцлийг 16:00 цагт товлон хэлэлцлээ.
Улмаар яллагдагч нарт 30 хоног цагдан хорихоор шийдвэрлэлээ.
Дүүргийн эрүү, иргэний хялбар ажиллагааны шүүхийн шүүгч Б.Билгүүний 2025 оны 07 дугаар сарын 22-ны 2181, 2182 дугаар захирамжаар яллагдагч Ц.Санжаачойпэл, Э.Тэмүүлэн нарт “хязгаарлалт тогтоох” таслан сэргийлэх арга хэмжээ авч шийдвэрлэсэн. Уг шийдвэрт нийслэлийн прокуророос эс зөвшөөрсөн гомдол гаргасныг ийнхүү хэлэлцэн шийдвэрлэлээ.
Харин хохирогчийн тухайд, өнөөдөр эмчилгээ хийлгэхээр гадаад улс руу явуулсан байна. Гэмт хэргийн улмаас авсан гэмтэл нь хавсарсан олон гэмтлүүдтэй маш хүнд хагалгаа эмчилгээ шаардлагатай байсан тул ар гэрийн зүгээс хүсэлт гарган гэмтлийн эмнэлгийн эмчлэгч эмч нараас зөвлөгөө, зөвшөөрөл авч эмчилгээнд явуулсан гэж ар гэрийхнээс нь мэдээлэл өгчээ.
