Казакстан улсын Астана хотноо зохион байгуулагдсан “Silk Way Star” Азийн олон улсын дууны тэмцээнд Монгол улсаа төлөөлөн оролцсон Ч.Мишээл түрүүллээ. Тэрээр баярт мөчийн сэтгэгдлээ хуваалцсан үгэндээ “Энэ бол ганц миний дуу хоолой байгаагүй, Монгол үндэстний дуу хоолой байсан шүү” гэсэн юм. /Сэтгэгдлийг ЭНД ДАРж үзнэ үү/
Тус шоунд Монгол, Азербайжан, Армени, Гүрж, Казахстан, Хятад, Киргиз, Малайз, Тажикистан, Туркменистан, Узбекистан, Өмнөд Солонгос гэсэн 12 орны дуучид өрсөлдөж, 3 сар үргэлжилсний эцэст ийнхүү ялагчийг өчигдөр /2025.11.22/ орой тодрууллаа. Ялагчийг толруулахдаа нийт онооны 50 хувийг шүүгчдийн үнэлгээ, 50 хувийг үзэгчдийн онлайн санал хураалтаар тооцсон юм. Энэ дүрмийн дагуу Монгол 85 оноогоор тэргүүлж, зохион байгуулагч Казахстан улс 80 оноогоор удаалжээ.
Ийнхүү Physical Asia, Оюун ухааны тэмцээн, Б.Цэндбаатар гэхчлэн олон ялалтуудаар эх орныхоо нэрийг дэлхийд тунхагласан амжилтуудын түүчээ дуучин Ч.Мишээлээр үргэлжилж байна. Түүний хувьд финалын шатанд цоо шинэхэн уран бүтээл болох “Монгол” хэмээх гайхалтай дуугаар оролцсон юм.
Түүний энэ дууг сонсохыг хүсвэл ЭНД ДАРНА уу.
