УИХ-ын Гишүүн, Хууль зүй, дотоод хэргийн сайд С.Амарсайхан, УИХ-ын Гишүүн, БОУАӨ-ийн сайд Ц.Сандаг-Очир, “Сайн Буян” сангийн санаачилгаар Налайх, Багануур, Багахангай дүүрэгт хиймэл оюун ухаанд суурилсан “EF EFEKTA” төслийн эхний шат амжилттай хэрэгжлээ.
Төслийн хүрээнд Налайх, Багануур, Багахангай дүүргийн Ерөнхий боловсролын сургуулийн 8-12 дугаар ангийн 7000 гаруй сурагч, МСҮТ-ийн оюутнууд, төрийн алба хаагчид, Англи хэл, Мэдээлэл зүйн 2000 гаруй багш нийт 10 мянга гаруй хүнийг хиймэл оюун ухаанд суурилсан, онлайн англи хэлний “EF EAFEKTA” төсөлд зургаан сарын хугацаанд хамрууллаа.
Төсөл эхлэх үед нийт хүүхдүүдийн 90 хувь нь англи хэлний түвшин бага буюу A-1 түвшинд байсан бол, 5 сарын хугацаанд хүүхдүүдийн 94 хувь нь тодорхой хэмжээнд түвшнээ ахиулсан амжилт гаргажээ.
Тодруулбал системд бүртгүүлсэн нийт хүүхдүүдийн:
57% нь – 10 ба түүнээс дээш бүлэг хичээл
52% нь- 5 ба түүнээс дээш бүлэг хичээл
44% нь – 1 ба түүнээс дээш бүлэг хичээл үзсэн бөгөөд бүртгүүлсэн нийт сурагчдын 90 хувь нь өдөр бүр системд нэвтэрч, хичээлдээ идэвхтэй хамрагдан ахиц гаргалаа.
EF EFEKTA сургалт нь хүүхэд бүрийн түвшинд тохирсон хичээлийг хиймэл оюун ухаанаар заасан учраас хүүхдүүдийн ярих ур чадвар сайжирч, англи хэлний хичээлдээ илүү дурлах болсныг багш нар онцолж байлаа. Харин сурагчид цахим тоглоом тоглохын оронд утсаа зөв ашиглаж, чөлөөт цагаараа оюундаа хөрөнгө оруулалт хийсэн үр дүнтэй төсөл боллоо хэмээн чухалчилж байна.
Цаашид EF EFEKTA төлийг төрийн албан хаагчид, Дотоод хэргийн их сургуулийн оюутнууд, багш нарт, аймаг орон нутаг болон нийслэлийн бусад дүүргүүдийн ерөнхий боловсролын сургуулийн хүүхдүүдийн дунд хэрэгжүүлэхээр бэлтгэл ажлыг хангаж байна.
Өчигдөр /2026.06.11/ хиймэл оюун ухаанд суурилсан, онлайн англи хэлний EF EFEKTA төслийн хаалтын үйл ажиллагаа болж амжилт гаргасан багш, сурагчдад батламж гардууллаа.
Хаалтын үйл ажиллагаанд Боловсролын яамны төрийн нарийн бичгийн дарга Т.Ням-Очир, Efekta Education группийн Ерөнхийлөгч Peter Burman, Efekta Education Боловсролын группийн Тэргүүн дэд Ерөнхийлөгч Саранжит сансар, Efekta Education Боловсролын группийн Монгол дахь албан төлөөлөгч Т.Хишигдулам, Efekta Education Боловсролын группийн ЗГ-ын харилцаа, судалгаа хариуцсан ерөнхийлөгч Stefania, “Сайн Буян” сангийн тэргүүн СГЗ Ч.Ичинхорлоо, Налайх дүүргийн Засаг даргын орлогч Ж.Мягмарсүрэн, багш, сурагчдын төлөөлөл оролцлоо.
