Дэлхийн аварга шалгаруулах Шугаман бүжгийн 19 дэх удаагийн тэмцээнд оролцсон Монгол улсын хамтлаг Тэргүүн байр эзэлж, Цом өргөмжлөл хүртлээ.
Дэлхийн Кантри бүжгийн холбооноос жил бүр зохион байгуулдаг Дэлхийн аварга шалгаруулах тэмцээн энэ сарын 1-5-ны өдрүүдэд Герман улсын Гоппенгенд болж өндөрлөсөн байна. Тус тэмцээнд манай улсаас Монголын шугаман бүжгийн алтан холбоо, Монголын галт шувуу холбооныхон оролцжээ.
Олон төрлөөр зохион байгуулагддаг энэ тэмцээнд ийнхүү манай улсаас анх удаа оролцсон бүжигчид холимог насны төрөлд тэргүүлж, Дэлхийн тайзнаа Төрийн дууллаа эгшиглүүлсэн байна.
