“Үндэсний их баяр наадмыг зохион байгуулах хороо”-оос санаачлан Монголын төрт ёс, түүх, өв соёлыг шингээсэн “Үндэсний их баяр наадмын цогцолбор”-ын бүтээн байгуулалтыг эхлүүллээ.
Цогцолборыг “Хүй долоон худаг”-ийн дэнжид байгуулж, Үндэсний бөх, Сур харваа, Хурдан морины уралдааныг нэг дор зохион байгуулахын зэрэгцээ үндэсний болон олон улсын спорт, соёл урлагийн томоохон арга хэмжээг хүлээн авах 30 мянган хүний суудалтай байгууламж болгон төлөвлөж одоогоор “Төрийн хүндэтгэлийн хүрээ” цогцолборын бүтээн байгуулалтын ажил дуусаж ашиглалтад орлоо.
Монголын морин соёлыг бэлгэдсэн морины тах хэлбэрийн архитектурын шийдэлтэй уг төслийн нийт хөрөнгө оруулалтыг урьдчилсан байдлаар 100 орчим тэрбум төгрөг байхаар тооцсон бөгөөд улс, нийслэлийн төсөв, хувийн хэвшил, иргэдийн сайн дурын оролцоонд тулгуурлан ил тод, нээлттэй, хяналттайгаар хэрэгжүүлэх юм.
Иймд “Үндэсний их баяр наадмын цогцолбор”-ын бүтээн байгуулахад үйлсэд иргэн, аж ахуйн нэгж, байгууллага та бүхнийг сайн дурын хандиваар хамтдаа цогцлоохыг уриалж байна.
Хандив хүлээн авах данс:
“Үндэсний их баяр наадмыг зохион байгуулах хороо”
Банк: Төрийн сан банк
Дансны дугаар: 540090100200051459
