УОК-ын нарийн бичгийн дарга, хурандаа Т.Баярхүү, ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд нар ой, хээрийн түймрийн нөхцөл байдлын талаар мэдээлэл өглөө.
Сэлэнгэ аймгийн Зүүнбүрэн, Цагаан нуур, Хэнтий аймгийн Батширээт, Дорноговь аймгийн Иххэт, Улаанбаатар хотын Хан-Уул дүүрэгт нийт таван ой, хээрийн түймэр бүртгэгдсэн байна.
Одоогоор Богдхан ууланд гарсан ойн гал түймрийг цурамд оруулсан тул иргэдийг Богдхан ууланд очихгүй байхыг зөвлөлөө. Цагдаагийн байгууллагаас түймэрт явж байгаа иргэдэд сэрэмжлүүлэг хүргэн замаас нь буцаах ажлыг зохион байгуулж байгаа юм байна.
Харин Сэлэнгэ аймгийн Цагааннуур, Зүүнбүрэн суманд гарсан гал түймрийг унтраахаар ажиллаж байна.
Мөн Хэнтий аймгийн Батширээт, Дорноговь аймгийн Иххэт суманд гарсан хээрийн гал түймрийг бүрэн унтраажээ.
