Богд хан ууланд гарсан түймэр Дугуй цагааны баруун хойд талд Батширээт орчим хааш хааш 700 метр гаруй газар тархсан байдалтай, салхи ихтэй байна. Одоогоор Онцгой байдлын 3 ангийн 30 гаруй алба хаагч ажиллаж байна. Онцгойгийнхонд мотоциклийн One Life авто мото клуб, Two Stroke клубын нийт 16 залуус ус зөөх явцад нь туслаж байгаа гэнэ.
Мөн гал түймэр хяналтаас гарч, онцгой байдлын албан хаагч нарт тусламж хэрэгтэй болсон тул залуус Богд хан уул руу явж байгаа аж.
Харин Богдхан уулын дархан цаазат газрын Хамгаалалтын захиргаанаас дараах анхааруулга өгчээ. Тус газраас “Залуусыг буруу газар цуглуулсан ташаа мэдээллийг түгээхгүй байхыг уриалж байна. “Залуус Богд ууланд 23:00 цагт таван литр устай цуглахыг уриалж эхэллээ” гэх мэдээллийг түгээхгүй байхыг хүсье. Богд ууланд гарсан түймрийг унтраахаар Богдхан уулын хамгаалалтын захиргаа, Нийслэлийн Онцгой байдлын газар гэх мэт мэргэжлийн байгууллагууд хяналтандаа авч ажиллаж байна.
Богд уулын амралтын авто зогсоол дээр цуглах боломжгүй, тэндээс мотоцикл л явах замтай тул энгийн иргэд туслах боломжгүй. Харин түймрийн гамшигт туслах иргэд Жаргалантын аманд цуглаж өөрсдийн боломжоор туслах боломжтой” гэжээ.
