Үндсэн хуулийн цэцийн дунд суудлын хуралдааныг ирэх долоон хоногт дараах асуудлыг хэлэлцэхээр товложээ.
Монгол Улсын Ерөнхийлөгчийн тухай хуулийн 6 дугаар зүйлийн 1 дэх хэсэгт “Ерөнхийлөгчийн бүрэн эрхийн хугацаа Үндсэн хуулийн гучдугаар зүйлийн 2 дахь хэсэгт зааснаар 4 жил байна.” гэж заасан байдаг. Харин Монгол Улсын Үндсэн хуулийн Гучдугаар зүйлийн 2 дахь хэсгийн “Ерөнхийлөгчөөр тавин нас хүрсэн, сүүлийн таваас доошгүй жил эх орондоо байнга оршин суусан, Монгол Улсын уугуул иргэнийг зургаан жилийн хугацаагаар зөвхөн нэг удаа сонгоно.” гэж заасан. Тэгвэл Ерөнхийлөгчийн тухай хуулийн дээрх заалт Үндсэн хууль зөрчсөн эсэх тухай маргааныг энэ сарын 08-ны өдрийн 9:30 цагаас товлосон Үндсэн хуулийн цэцийн хуралдаанаар нээлттэй хянан шийдвэрлэх юм байна.
