Эрхэлсэн тодорхой ажилгүй “Э” нь мэдээллийн технологи ашиглан, мөрийтэй тоглоом зохион байгуулсан байж болзошгүй нөхцөл байдлыг Эрүүгийн цагдаагийн албанаас илрүүлж, үйл ажиллагааг таслан зогсоов.
Мөрдөн шалгах ажиллагаагаар сэжигтэй этгээд “Э” нь 2022 оноос эхлэн Pokerrr 2 аппликейшинд клуб үүсгэн мөрийтэй тоглоом зохион байгуулж, сервер байршуулж бусад этгээдүүдийг ажиллуулан үйл ажиллагаагаа явуулж байсныг тогтоосон байна.
Дээрх хууль бус үйл ажиллагаанаас олсон орлогоор худалдан авсан байж болзошгүй 4 орчим тэрбум төгрөгийн үнэлгээ бүхий хөрөнгийг (2.1 тэрбум төгрөгийн үнэлгээтэй 4 үл хөдлөх хөрөнгө, 700 орчим сая төгрөгийн үнэлгээтэй 2 тээврийн хэрэгсэл, 1 тэрбум төгрөгийн үнэлгээтэй цахим тоглоомын газар) битүүмжиллээ.
Уг хэрэгт холбогдох 8 этгээдийг яллагдагчаар татан, мөрдөн шалгах ажиллагааг үргэлжлүүлэн явуулж байна.
