Дэлхийн өгөгдлийн салбарын шилдэг 100 манлайлагчийг шалгаруулдаг HotTopics Global CDO 100 жагсаалтын 2026 оны шагналтнуудыг зарлажээ.
Энэхүү жагсаалтад JPMorgan Chase, Mastercard, Visa, The Coca-Cola Company, BMW Group, Deutsche Bank зэрэг дэлхийн тэргүүлэх байгууллагуудын Өгөгдөл хариуцсан захирлууд (Chief Data Officer) багтсан бөгөөд тэдэнтэй нэг жагсаалтад Ч.Алтан-Өлзий нэрлэгдсэн байна. Энэ баярт мэдээг хүлээн авсан тэрээр өөрийн цахим хуудсандаа сэтгэгдлээ илэрхийлжээ.
“Олон улсын хэмжээнд ийн үнэлэгдэнэ гэж үнэндээ төсөөлөөгүй учраас энэ мэдээ надад маш их урам, хариуцлага өглөө. Өнгөрсөн жилүүдэд Монголбанк, санхүүгийн салбар, одоо төрийн бодлогын түвшинд өгөгдөл, хиймэл оюун, дижитал шилжилтийн чиглэлээр ажиллах боломж олдсон нь энэ үнэлгээний үндэс болсон болов уу гэж бодож байна. Надтай хамт ажиллаж, дэмжиж, итгэж ирсэн бүх хүмүүстээ чин сэтгэлээсээ баярлалаа. Цаашид ч өгөгдөл, хиймэл оюуны чиглэлээр тасралтгүй суралцаж, судалж, бүтээж, Монголынхоо хөгжилд өөрийн хувь нэмрийг оруулахын төлөө хичээн ажиллах болно” гэлээ.
Жагсаалтыг ЭНД ДАРж үзнэ үү.
