А.Амартүвшин: Тендер авчихаад жил бүр мөнгө нэхээд ажлаа хийдэггүй компаниудад хариуцлага тооцдог болох хэрэгтэй байна

Хичээлийн шинэ жил эхлэх гэж байгаатай холбогдуулан НИТХ-ын төлөөлөгч, НЗД-ын Нийгмийн салбар, агаарын бохирдол болон ногоон хөгжил хариуцсан орлогч А.Амартүвшингээс сургууль, цэцэрлэгийн барилгын ажлын талаар тодрууллаа. Тэрээр яриандаа “Чадна гэж тендер авчихаад мөнгө нэмж өг, үгүй бол энэ цэцэрлэг, сургуулийг чинь барихгүй гээд ажлаа хийдэггүй компаниудаас болж зөвхөн сургуулийн түрээсэнд өнгөрсөн жил 30.1 тэрбум төгрөг өгсөн. Ирэх жил 35.2 тэрбум төгрөг өгөхөөр байна” гэдгийг тодотгон хэлж байлаа. Тиймээс тендэрийн болон бусад холбогдох хуульд хариуцлагын тогтолцоог яаралтай оруулах шаардлагатай гэдгийг хэлсэн юм.